Bakı. Trend:
MLS çərçivəsində keçirilən oyunda “Filadelfiya Union” öz
meydanında “İnter Mayami”ni qəbul edib. Çesterdəki “Subaru Park”
stadionunda baş tutan qarşılaşma 2:2 hesabı ilə başa çatıb.
“Filadelfiya”nın qollarını İndiana Vassilev və Nil Pyer
vurublar.
“İnter Mayami”nin heyətində Daniel Pinter və argentinalı hücumçu
Lionel Messi fərqləniblər. Uruqvaylı forvard Luis Suares məhsuldar
ötürmə ilə yadda qalıb.
Qeyd edək ki, bu, Messi üçün DÇ-2026-dan və atası Xorxe Messinin
vəfatından sonra “İnter Mayami”də vurduğu ilk qol olub.
Beləliklə, “Filadelfiya” dörd oyunluq qələbə seriyasını
dayandırıb. “İnter Mayami” isə MLS-də qələbəsiz oyunlar seriyasını
üç matça çatdırıb. Komanda daha əvvəl “Kolumbus Kryu” ilə heç-heçə
edib, “Neşvill”ə isə məğlub olub.
Növbəti MLS oyununda “İnter Mayami” “Toronto” ilə, “Filadelfiya
Union” isə “Ostin”lə qarşılaşacaq. Hər iki oyun avqustun 23-də
keçiriləcək.
