Bakı. Trend:
Qazaxıstan Prezidenti Kasım-Jomart Tokayev ABŞ Prezidenti Donald
Trampın liderliyini tərifləyərək, ABŞ və İran arasında mühüm
irəliləyiş sazişinin əldə edilməsindəki qətiyyətini və strateji
vizyonunu vurğulayıb.
Bu barədə Qazaxıstan Prezidentinin “X” sosial media səhifəsində
dərc olunmuş rəsmi bəyanatında bildirilib.
Bəyanatda deyilir: “Bu həlledici anda qətiyyət və strateji
vizyon nümayiş etdirən ABŞ Prezidenti Donald Trampın liderliyini
xüsusilə təqdir edirik”.
Tokayevin sözlərinə görə, saziş geosiyasi mənzərədə fundamental
bir dəyişikliyi simvolizə edir və tərəflərin qarşılıqlı etimadı
bərpa etmək və hərbi münaqişəyə son qoymaq üçün məqbul həllər
hazırlamaq üçün güclü siyasi iradəsi sayəsində əldə edilib.
Prezident qeyd edib ki, “etimadı bərpa etməyi və qarşılıqlı
məqbul həllər tapmağı mümkün edən tərəflərin siyasi iradəsini
yüksək qiymətləndiririk”.
Xatırladaq ki, ABŞ və İran Livan da daxil olmaqla bütün
cəbhələrdə hərbi əməliyyatların dərhal və daimi dayandırılmasını
nəzərdə tutan atəşkəs sazişi əldə ediblər. Bu saziş sanksiyalar,
nüvə silahları və Hörmüz boğazının yenidən açılması məsələlərini
əhatə edir. Xüsusilə, Tehran nüvə silahı hazırlamaqdan və ya əldə
etməkdən çəkinməyə razılaşıb.
