Dünya bazarlarında neft nisbətən ucuzlaşıb.
“APA-Economics” xəbər verir ki, Nyu-Yorkun NYMEX əmtəə birjasında WTI markalı neftin avqust fyuçersləri 0,02 ABŞ dolları və ya 0,03% ucuzlaşaraq bir barel üçün 68,67 ABŞ dolları olub.
ICE London birjasında isə Brent markalı neftin sentyabr fyuçerslərinin qiyməti 0,17 ABŞ dolları və ya 0,24% azalaraq 71,95 ABŞ dollarına enib.
Analitiklər qeyd edirlər ki, neft qiymətlərindəki enişə bazar iştirakçılarının qlobal iqtisadi artımın tempi və enerji tələbinin perspektivləri ilə bağlı ehtiyatlı mövqeyi təsir göstərib.
